الأحد، 28 نوفمبر، 2010

وحشتنى بلدى


كنا وكنا ده شــــــــئ يبكينا

لو ح نقلب يــوم فى ماضينا

كنا حضـــــــــاره كنا اداره

كنا صحيــــح عندنا احساس

****

كان الزرع مكفــــى حاجتنا

ويزيد عن كـــــل احتياجتنا

ولا يوم للغيــــر مدينا ايدنا

الا عشان م الخـــوف تتباس

****

كنا حقيقى بجــــــد فراعنا

كل العالم يخشــــى وجاعنا

علشان حقنا كـــان بدراعنا

بنرجعه ولا يــــــــوم ننداس

****

ياما حاربنا عشــان اراضينا

غزه وطابه وشـــــرم وسينا

واما اترد شـــــــــرفنا الينا

بنبيعه فى ســـــوق الانجاس

****

حبه ف حبه ايديـــــن اعدائنا

بتتمد ف جيبنـــــــــا وتسرقنا

علشان بغبـــــــــــاوه اتفرقنا

وقفلنا عقــــــــــولنا بترباس

****

ارضنا فيها دهـــــب ويقوت

واحنا جياع عايشيــن بنموت

نندب حظنــــــــــا لما يفوت

ونتنطــــــــــت زى النسناس

****

عيشنا وشوفنـا والله عجايب

ارضنا تتبـــاع واحنا غرايب

مالناش حتـــى فى حقنا نايب

اتفرقت الفتـــــــــــــه خلاص

****

باعوا خلاص ارضنا وحصصنا

وكمان بالعافيـــه اتخصخصنا

وبــــكره نبيع م الفقر لب....

ونعيــــــش ملط ما حتى لب....

***

فين مصر الحضاره

فين ام الحضاره

فين الازدهار

ليه ده كله

غار

****

انا محتاج ان محدش يزعل منى

بجد مش بأيدى ابعد لكن مش قادر اقرب

وجودى بقه شيئ صعب فى التدوين

بس بتوحشونى جدا واتمنى بجد

صوت كل مدون يوصل ويسمع

اتمنى التدوين بجد يكون ليه هدف

يوصل مش رومانسيه وحب وفراق

اتمنى تشوفو ايه مشاكل بلدنا

تشوفو ايه مدايق شببنا

×××××

تحياتى

هناك 16 تعليقًا:

شمس النهار يقول...

(ولا يوم للغيــــر مدينا ايدنا

الا عشان م الخـــوف تتباس)

عجبتني جداااااااا

مصر محتاجه معجزة صدقني

وان شاء الله تقدر ترجع وتداوم في المدونه

ومتغبش عنها

جايدا العزيزي يقول...

ادم

زى مامصر وحشتك وكتبت فيها اجمل واصدق

المعانى انت كمان وحشتنا اوووووووووووى

ماذلت انتظر اخى دائما

الحمد الله انك بخير

وذلك يكفينى

تحياتى

Tears يقول...

الله يرحمها

حنين يقول...

السلام عليكم
جميله القصيده جداااا
رغم انها بجد موجعه
فى انتظار كتاباتك دائما
تحياتى

mrmr يقول...

جميله القصيده يا ادم

ربنا يصلح حالها وحال شعبها
منتظرين معجزه بجد

ومنتظرين بوست جديد اوعى تسيب التدوين فى انتظارك اوعى تغيب

shemo_ joker يقول...

السلام عليكم....


ازيك يا ادم
ولا قول يا بلال

المهم انك كاتب باحساسك عند حق فى كل حاجة قولتلها وربنا يوفقنا لما فيه الخير.

وان شاء الله تقدر ترجع وتبقى معانا تانى ان شاء الله فى التدوين.
دومتى بخير
فى رعاية الله.
shemo

ساره يقول...

جيت اسلم يا ادم واسئل عن احوالك
كل سنه وانت طيب :)

shemo_ joker يقول...

السلام عليكم.....

ازيك يا ادم
بلاش اقول الاسم التانى عشان شكلك اضيقت بان كدا فى كومنتك الى عندى


ازاى عرفته من الفيس مش دا اسمك هناك وبعدين اتهيئلى انك نزلت بوست من فترة كبيرة وقولت فيه الاسم دا

متهيئليش ان مفيش حد يعرفة ولا حاجة
اتهيئلى كل الى بيدخل الفيس عندك عرفة

وانا مين انا شيمو صاحبة مدونة shbabik

دومت بخير يارب مكنش ضيقتك وع فكرة مكنش قصدى حاجة خالص

دومت بخير فى رعاية الله.
shemo

shemo_ joker يقول...

وشكرا


ع زيارتك للمدونة

shemo

عمرو وجيه يقول...

gsmela gedan

موجة يقول...

ماتقلبش المواجع الله يخليك يا ادم
شوفت فى مثل شعبى بيقول
ارحمو عزيز قوم ذل
اهو الفراعنه كانو اعزة على كل الناس
والحين بقو
اذلااااااء
لكل الناس
زعلت جدا من الحقيقة المرة اللى كلنا عارفينها
الا بالحق
انت كنت كاتب فى تعليق عندى :
موجه ماتزعليش منى
على ايه
مش فاكرة
لو فاكر انك مزعلنى يبقى انا زعلانة بقى
انت ادرى
فكرنى والنبى

جايدا العزيزي يقول...

كل عام وانت الى الله اقرب وعلى طاعته ادوم

كل عام وانت واسرتك بالف خير

تحياتى

حنين يقول...

السلام عليكم
حبيت امر على اخوانى واخواتى
واقولهم كل عام وانتم بخير
وعام هجرى سعيد علينا جميعا
حفظكم الله ورعاكم
تحياتى

mena يقول...

ادم ازيك يارب تكون بخير بجد اسفه على التقصير انا جيت اسال عليك

زكي الأخضر - كاتب في التحليل السياسي يقول...

السلام عليكم

نكتب لكم رغبة في أن نعرفكم علينا:

نحن فئة من المسلمين ذات اتجاه وبعد سياسي وعقدي واضح بعيداً عن الغموض، ندعو إلى قراءة الواقع ومعاينة الحقائق بعيداً عن التضليل الإعلامي، ولدينا موقع يهتم بتنمية مهارات فقه الواقع والتحليل السياسي، مجلة العمق:
http://www.al3umq.net/

نعتذر عن كتابة الرسالة في التعليقات لأنه لا يوجد نموذج مراسلة في مدونتكم.


من فضلك أرسل لنا عنوان إيميلك لنرسل لك كل فترة أقوى موضوعاتنا.

مع أطيب التحيات ...

زكي الأخضر

محرر الموقع

أرسل الرسالة لمن تستطيع لتكسب الثواب إن شاء الله.

ahmed Mohamed يقول...


شركة تسويق الكتروني | شركة تصميم مواقع | تسويق الكتروني | شركة داما شركة تصميم مواقع | شركات تسويق الالكتروني | شركة داما شركة تسويق الكتروني

شركة داما السعودية

تقدم خدمات تصميم وتطوير المواقع لدي الشركات السعودية
باستخدام تكنولوجيا التسويق الالكتروني الحديث

دور شركة داما :

عمل بحث لمنافسيك لعمل موقع جيد
تنفيذ نموذج تجريبي لموقعك
حجز اسم الموقع الخاص بيك
تصميم موقع حسب اختيارك
التدريب علي لوحة التحكم لسهولة التعامل
التسويق الالكتروني للظهور في نتائج البحث
توافق المواقع مع محركات البحث SEO
صيانة الوقع بصفه دورية
دعم فني 24 ساعة في اليوم 7 ايام في الاسبوع


info@edaama.com

sales@edaama.com

00966566341760


Web Site http://www.e-daama.com
Blogger http://www.e-daama.blogspot.com
Page Facebook http://www.facebook.com/edaamaa
Linked IN http://www.linkedin.com/in/edaama
Twitter http://www.twitter.com/E_Daama
YouTube http://www.youtube.com/Edaama