مـملكـه الـزمن الـجـميل: وحشتنى بلدى

الأحد، 28 نوفمبر 2010

وحشتنى بلدى

كنا وكنا ده شــــــــئ يبكينا

لو ح نقلب يــوم فى ماضينا

كنا حضـــــــــاره كنا اداره

كنا صحيــــح عندنا احساس

****

كان الزرع مكفــــى حاجتنا

ويزيد عن كـــــل احتياجتنا

ولا يوم للغيــــر مدينا ايدنا

الا عشان م الخـــوف تتباس

****

كنا حقيقى بجــــــد فراعنا

كل العالم يخشــــى وجاعنا

علشان حقنا كـــان بدراعنا

بنرجعه ولا يــــــــوم ننداس

****

ياما حاربنا عشــان اراضينا

غزه وطابه وشـــــرم وسينا

واما اترد شـــــــــرفنا الينا

بنبيعه فى ســـــوق الانجاس

****

حبه ف حبه ايديـــــن اعدائنا

بتتمد ف جيبنـــــــــا وتسرقنا

علشان بغبـــــــــــاوه اتفرقنا

وقفلنا عقــــــــــولنا بترباس

****

ارضنا فيها دهـــــب ويقوت

واحنا جياع عايشيــن بنموت

نندب حظنــــــــــا لما يفوت

ونتنطــــــــــت زى النسناس

****

عيشنا وشوفنـا والله عجايب

ارضنا تتبـــاع واحنا غرايب

مالناش حتـــى فى حقنا نايب

اتفرقت الفتـــــــــــــه خلاص

****

باعوا خلاص ارضنا وحصصنا

وكمان بالعافيـــه اتخصخصنا

وبــــكره نبيع م الفقر لب....

ونعيــــــش ملط ما حتى لب....

***

فين مصر الحضاره

فين ام الحضاره

فين الازدهار

ليه ده كله

غار

****

انا محتاج ان محدش يزعل منى

بجد مش بأيدى ابعد لكن مش قادر اقرب

وجودى بقه شيئ صعب فى التدوين

بس بتوحشونى جدا واتمنى بجد

صوت كل مدون يوصل ويسمع

اتمنى التدوين بجد يكون ليه هدف

يوصل مش رومانسيه وحب وفراق

اتمنى تشوفو ايه مشاكل بلدنا

تشوفو ايه مدايق شببنا

×××××

تحياتى

هناك 13 تعليقًا:

شمس النهار يقول...: (ولا يوم للغيــــر مدينا ايدنا

الا عشان م الخـــوف تتباس)

عجبتني جداااااااا

مصر محتاجه معجزة صدقني

وان شاء الله تقدر ترجع وتداوم في المدونه

ومتغبش عنها; 28 نوفمبر 2010 في 11:51 م
جايدا العزيزي يقول...: ادم

زى مامصر وحشتك وكتبت فيها اجمل واصدق

المعانى انت كمان وحشتنا اوووووووووووى

ماذلت انتظر اخى دائما

الحمد الله انك بخير

وذلك يكفينى

تحياتى; 29 نوفمبر 2010 في 12:41 ص
Tears يقول...: الله يرحمها; 29 نوفمبر 2010 في 3:48 ص
حنين يقول...: السلام عليكم
جميله القصيده جداااا
رغم انها بجد موجعه
فى انتظار كتاباتك دائما
تحياتى; 29 نوفمبر 2010 في 4:44 ص
mrmr يقول...: جميله القصيده يا ادم

ربنا يصلح حالها وحال شعبها
منتظرين معجزه بجد

ومنتظرين بوست جديد اوعى تسيب التدوين فى انتظارك اوعى تغيب; 29 نوفمبر 2010 في 5:41 ص
shoshta_ joker يقول...: السلام عليكم....

ازيك يا ادم
ولا قول يا بلال

المهم انك كاتب باحساسك عند حق فى كل حاجة قولتلها وربنا يوفقنا لما فيه الخير.

وان شاء الله تقدر ترجع وتبقى معانا تانى ان شاء الله فى التدوين.
دومتى بخير
فى رعاية الله.
shemo; 29 نوفمبر 2010 في 9:13 ص
ساره يقول...: جيت اسلم يا ادم واسئل عن احوالك
كل سنه وانت طيب :); 29 نوفمبر 2010 في 10:29 م
shoshta_ joker يقول...: السلام عليكم.....

ازيك يا ادم
بلاش اقول الاسم التانى عشان شكلك اضيقت بان كدا فى كومنتك الى عندى

ازاى عرفته من الفيس مش دا اسمك هناك وبعدين اتهيئلى انك نزلت بوست من فترة كبيرة وقولت فيه الاسم دا

متهيئليش ان مفيش حد يعرفة ولا حاجة
اتهيئلى كل الى بيدخل الفيس عندك عرفة

وانا مين انا شيمو صاحبة مدونة shbabik

دومت بخير يارب مكنش ضيقتك وع فكرة مكنش قصدى حاجة خالص

دومت بخير فى رعاية الله.
shemo; 30 نوفمبر 2010 في 4:06 ص
shoshta_ joker يقول...: وشكرا

ع زيارتك للمدونة

shemo; 30 نوفمبر 2010 في 4:08 ص
عمرو وجيه يقول...: gsmela gedan; 3 ديسمبر 2010 في 5:53 م
موجة يقول...: ماتقلبش المواجع الله يخليك يا ادم
شوفت فى مثل شعبى بيقول
ارحمو عزيز قوم ذل
اهو الفراعنه كانو اعزة على كل الناس
والحين بقو
اذلااااااء
لكل الناس
زعلت جدا من الحقيقة المرة اللى كلنا عارفينها
الا بالحق
انت كنت كاتب فى تعليق عندى :
موجه ماتزعليش منى
على ايه
مش فاكرة
لو فاكر انك مزعلنى يبقى انا زعلانة بقى
انت ادرى
فكرنى والنبى; 5 ديسمبر 2010 في 3:52 ص
جايدا العزيزي يقول...: كل عام وانت الى الله اقرب وعلى طاعته ادوم

كل عام وانت واسرتك بالف خير

تحياتى; 6 ديسمبر 2010 في 10:35 ص
Unknown يقول...: ادم ازيك يارب تكون بخير بجد اسفه على التقصير انا جيت اسال عليك; 18 ديسمبر 2010 في 11:26 م

إرسال تعليق